,,ჩემის აზრით, სამხრეთ ოსეთის რუსეთის ფედერაციაში შესვლის გადაწყვეტილება უკვე მიღებულია." - აცახდებს სოციალურ ქსელ ,,ტვიტერის" საკუთარ გვერდზე ,,ეხო მოსკვის" კორესპონდენტი ალექსეი ბენედიქტოვი.
რუსული საინფორმაციო სააგენტოების თქმით, ამ განცახდების საფუძველს მას ოკუპირებულ სამხრეთ ოსეთსა და რუსეთს შორის დასადები ხელშეკრულების შინაარსი აძლევს, რომლის ძალითაც, სახმრეთ ოსეთის ძალოვანი სტრუქტურებისა და სასაზღვრო სამსახურების რუსულ ძალოვან სტრუქტურებთან მიერთება იგეგმება.
ცხინვალის უშიშროების სამსახური რუსეთის უშიშროების ფედერალური სამსახურის ნაწილი გახდება, რუსეთსა და ცხინვალს შორის მიმოსვლა და ტვირთის მიმოქცევა თავისუფალ რეჟიმში განხორციელდება. ეს კი იმას ნიშნავს, რომ ოკუპირებული სამხრეთ ოსეთი დე ფაქტო შედის რუსეთის ფედერაციის საზღვრებში.
,,მე ვფიქრობ, ეს დოკუმენტი ფართო მიზანს ემსახურება, ფაქტობრივად იშლება საზღვარი ჩვენს შორის. სამხრეთ ოსეთში ჩავატარეთ რეფერენდუმი, სადაც ვთქვით, რომ გვინდა მივუერთდეთ რუსეთს.
დე იურე სამხრეთ ოსეთი დამოუკიდებელი სახელმწიფოა, მაგრამ დე ფაქტო ის უკვე მიუერთდა რუსეთს და ამაში არაფერია განსაკუთრებული.
ასეთია ჩვენი მოსახლეობის უმეტესობის სურვილი." - აცხადებს ოკუპირებულ სამხრეთ ოსეთში მოღვაწე პოლიტოლოგი ანატოლი ჩეხოვი.
რუსეთსა და სამხრეთ ოსეთს შორის თანამშრომლობის შესახებ დასადებ ხელშეკრულებაზე ბენედიქტოვისა და ჩეხოვის მოსაზრებებს ინტერნეტ -პორტალი ,,BFM.ru" ავრცელებს.
