გორის რაიონის 42 სოფელი ხელისუფლების კომპანსაციის მოლოდინშია. 2014 წლის 1 ივნისს, სტიქიამ ათასობით გლეხს ხილის მოსავლის თითქმის 80 % გაუნადგურა. ხელისუფლების წარმომადგენლებმა, მეორე დღესვე ჩაატარეს აღწერა, ზარალი დაითვალეს და მოსახლეობას მის ანაზღაურებას დაპირდნენ. თუმცა მეშვიდე თვეა არც ხელისუსფლების წარმომადგენლები და არც დაპირებული თანხა გორის რაიონის მოსახლეობას თვალით არ უნახავს.
გაერთიანებული დემოკრატების ერთ ერთი ლიდერი გიორგი ახვლედიანი დღეს სტიქიით ყველაზე მეტად დაზარალებულ სოფელ რეხაში ჩავიდა და ადგილობრივების პრობლემებს გაეცნო. სოფელში 300 კომლი ცხოვრობს, რომელიც უკიდურეს გაჭირვებაშია და ხელისუფლების მხრიდან ზარალის ანაზღაურებას ელოდება.
გაერთიანებული დემოკრატიული მოძრაობის დახმარებით 42 სოფელი პრემიერ-მინისტრის ირაკლი ღარიბაშვილის სახელზე პეტიციას მოამზადებს.
მასალის გამოყენების პირობები
