სომხეთის პრემიერ-მინისტრ ჰოვიკ აბრაჰამიანმა ქართველ კოლეგას თბილი და მეგობრული დახვედრისთვის მადლობა გადაუხადა და გამოთქვა მზაობა ორ ქვეყანას შორის ურთიერთობის გაღრმავებასთან დაკავშირებით. როგორც სომხეთის პრემიერმა განაცხადა ქართველ კოლეგასთან შეხვედრისას დიდი მნიშვნელობა მიენიჭა საბაჟო-გამშვები პუნქტების მოდერნიზაციის საკითხს.
,,შეხვედრაზე განხილულ იქნა საბაჟო-გამშვები პუნქტების მოდერნიზაციის საკითხი. კონკრეტულად სადახლო- ბაგრატაშენის გამშვებ პუნქტში ახალი ხიდის მშენებლობას. დიდი მნიშვნელობა მიენიჭა ზემო ლარსის სასაზღვრო-გამშვები პუნქტის შეუფერხებელ მუშაობას", _განაცხადა სომხეთის პრემიერმა და აღნიშნა, რომ ქართველ კოლეგასთან შეხვედრისას ენერგეტიკის სფეროში არსებულ საკითხებზეც იმსჯელეს.
,, შეხვედრაზე ენერგეტიკის სფეროში დიდი მნიშვნელობა მიენიჭა სომხეთ-საქართველოს 400 კილოვატიანი ელექტროგადამცემი ხაზის აშენებას", _განაცხადა ჰოვიკ აბრაჰამიანმა.
