კოალიცია ,,ქართული ოცნების" წევრი ლევან ბერძენიშვილი საკადრო ცვლილებებს ჩვეულებრივი პროცესის ნაწილად მიიჩნევს. რაც შეეხება იმას, მონაწილეობს თუ არა ყოფილი პრემიერი ბიძინა ივანიშვილი აღნიშნულ პროცესში დეპუტატი ჟურნალისტებთან განმარტავს, რომ ამის შესახებ ინფორმირებული არ არის.
,,რაც ხდება, ჩვეულებრივი პროცესია, რომელიც ნებისმიერ ქვეყანაში მიმდინარეობს. წლის განმავლობაში ამდენი ადამიანი ჩვეულებრივად უნდა იცვლებოდეს და რაიმე განსაკუთრებული აქ არ არის. ბიძინა ივანიშვილის მონაწილეობა როგორია, ჩემთვის უცნობია. არ მგონია, რომ მოადგილეების და დეპარტამენტების ხელმძღვანელების მოსახსნელად საჭირო იყოს ბიძინა ივანიშვილის ავტორიტეტი. ამას პრემიერ-მინისტრიც გაწვდება. - განაცხადა ლევან ბერძენიშვილმა.
მასალის გამოყენების პირობები