ნატოს გენერალური მდივნის სპეციალური წარმომადგენელი სამხრეთ კავკასიაში ჯეიმს აპატურაი მიიჩნევს, რომ თუ თავდაცვის სამინისტროს გარშემო განვითარებული მოვლენები პოლიტიკურ დევნად შეფასდა, ეს საქართველოსთვის ნატოს წევრ ქვეყნებში მნიშვნელოვანი ბარიერები იქნება.
როგორც აპატურაიმ ჟურნალისტებს განუცხადა, თავდაცვის ყოფილ მინისტრ ირაკლი ალასანიასთან ნატოს ბრწყინვალე თანამშრომლობა ჰქონდა.
"ყოველგვარი ეჭვის გარე შემიძლია ვთქვა, რომ მინისტრ ალასანიასთან ბრწყინვალე თანამშრომლობა გვქონდა. რაც შეეხება საქართველოს თავდაცვის სამინისტროს გარშემო, ბოლო პერიოდში, განვითარებულ მოვლენებს, საკითხზე დეტალური ინფორმაცია ნამდვილად არ მაქვს. უმთავრესია, რომ ეს პროცესები პოლიტიკურ დევნად არ იყოს აღქმული. თუ მოვლენები ასე შეფასდა, ეს საქართველოსთვის ნატოს წევრ ქვეყნებში მნიშვნელოვანი ბარიერები იქნება. საქართველოს მთავრობისთვის მნიშვნელოვანია ოყოს მაქსიმალურად გამჭვირვალე", - განაცხადა აპტურაიმ.
ჯეიმს აპატურაი საქართველოს ოფიციალური ვიზიტით 3 დეკემბერს ეწვია.
ვიზიტის ფარგლებში, ნატოს გენერალური მდივნის სპეციალურმა წარმომადგენელმა შეხვედრები საქართველოს აღმასრულებელ და ასევე საკანონმდებლო ხელისუფლების წარმომადგენლებთან გამართა. ასევე, დაგეგმილია შეხვედრები ოპოზიციურ პოლიტიკურ პარტიებთან.
