არასამთავრობო ორგანიზაცია „სამართლიანი არჩევნების" ხელძმღვანელი აცხადებს, რომ საქართველოში სატელეფონო მოსმენებზე გაცილებით რთული ვითარებაა ინტერნეტმიყურადების თვალსაზრისით.
"მხოლოდ პოლიტიკურ ოპონენტებს კი არ უსმენენ, არამედ უსმენენ მეგობრებს და მერე აშანტაჟებენ. მათ იციან, ვინ ვის როგორ ელაპარკება და ეს რეალობაში ხდება. მე ბევრჯერ მომისმენია მსგავსი ამბავი," - ეს განცხადება ნინო ლომჯარიამ თოქშოუ „არჩევანში" გააკეთა.
ნინო ლომჯარიას განცხადებით, შეუზღუდავად და შეუფერხებლად ხორციელდება ათასობით ადამიანის ფარული მიყურადება ინტერნეტსფეროში.
„ფაქტიურად შეუზღუდავად და შეუფერხებლად კითხულობენ, ვინ რომელ საიტზე შევდივართ, რა მეილს და ვის ვუგზავნით, რითი ვინტერესდებით. მე ვფიქრობ, რომ ტელეფონზე მეტად საქართველოში ინტერნეტთვალთვალია სახიფათო. აქ რეგულაციები თითქმის არ არსებობს და არც კონტროლის მექანიზმებია," - განაცხადა ნინო ლომჯარიამ გადაცემა „არჩევანში" საუბრისას.