საპარლამენტო ფრაქცია "ქართული ოცნების" თავმჯდომარე გია ვოლსკი მიიჩნეს, რომ ქართულმა მხარემ რუსეთთან ურთიერთობა უნდა გააგრძელოს.
როგორც ვოლსკიმ დღევანდელ პრესკონფერენციაზე განაცხადა, რა ფორმით გაგრძელდება ურთიერთობა - გადაწყვეტილება შესაბამისმა უწყებამ, საქართველოს სახელმწიფო ინტერესებიდან გამომდინარე უნდა მიიღოს.
"პირველ რიგში, ღრმად უნდა გაანალიზდეს რა პერიოდი გავიარეთ, აბაშიძე-კარასინის ფორმატმა რა მოგვიტანა. უახლოეს პერიოდში ეს შეხვედრა არ იგეგმება და საკმაო დროა ამისთვის. მუდმივი კონტაქტი აუციულებლად უნდა გაგეძელდეს. ისტორიას უფრო მწვავე დაპირისპირებებიც ახსოვს, მაგრამ რუსეთთან კონტაქტი არ გაწყვეტილა.
რა ფორმატით განხორციელდება ეს კონტაქტი - გადაწყვეტილება შესაბამისმა უწყებებმა, საქართველოს სახელმწიფო ინტერესებიდან გამომდინარე უნდა მიიღოს", - განაცხადა ვოლსკიმ.
რუსეთის საგარეო სამეთა მინისტრის მოადგილე გრიგორი კარასინის განცხადებით, რუსეთისა და საქართველოს შორის ურთიერთობის ნორმალიზებაში პაუზა არ არის.
რუსეთთან ურთიერთობების საკითხებში საქართველოს პრემიერ-მინისტრის სპეციალური წარმომადგენლის, ზურაბ აბაშიძის განცხადებით, კარასინთან შეხვედრის ფორმატი შენარჩუნებულია, თუმცა მორიგი შეხვედრის თარიღი ჯერ დანიშნული არ არის.