განათლებისა და მეცნიერების მინისტრი თამარ სანიკიძე მთვრობის სხდომის შემდეგ უკრაინის მთვრობაში საქართველოს ყოფილი მაღალჩინოსნების შესაძლო დანიშვნას გამოეხმაურა და აღნიშნა, რომ ეს ფაქტი პირველ რიგში უნდა უნდოდეს ადგილობრივ ხელისუფლებას და საზოგადოებას. თუმცა მინისტრი ვარაუდობს, რომ საქართველოს ყოფილი მაღალჩინოსნების უკრინულ მთვრობაში დანიშვნას მოსახლეობა მაინც და მაინც პოზიტიურად არ შევდება.
,,პირველ რიგში, ასეთი რამ მისაღები უნდა იყოს უკრაინის მთვრობისტვის და უკრაინული საზოგდაოებისთვის. Aარ მგონია, ამას უკრინული საზოგდაოება დადებითად შეხვდეს, რადგან დარწმუნებული ვარ, რომ უკრაინაში ბევრი ნიჭიერი და გამოცდილი პოლიტიკოსია ვისაც მსგავსი პოსტების დაკავება ძალუძს", -განაცახდა სანიკიძემ.
შეგახსენებთ, რომ უკრაინის პრეზიდენტ პეტრე პოროშენკოს ფრაქციის წევრმა მუსტაფა ნაიემმა სოციალური ქსელ "ფეისბუქში" დაადასტურა, რომ უკრაინის შინაგან საქმეთა მინისტრის მოადგილის პოსტზე ეკა ზღულაძის კანდიდატურა განიხილება. ზღულაძე საქართველოს შინაგან საქმეთა მინისტრი იყო მიხეილ სააკაშვილის მთავრობაში.
სოციალურ ქსელში გამოქვეყნდა ფოტოები, სადაც ალექსანდრე კვიტაშვილი ყოფილ შინაგან საქმეთა მინისტრ ეკა ზღულაძესთან ერთად მმართველი პარტიის ფრაქციის წევრებს ხვდება. უკრაინული მედიის ინფორმაციით, ფრაქციასთან შეხვედრაზე გუშინ თავად პრეზიდენტი პოროშენკოც იმყოფებოდა.
უკრაინულ მედიაში გუშინ გავრცელდა ინფორმაცია, რომ საქართველოს ყოფილი ჯანდაცვის მინისტრი ალექსანდრე კვიტაშვილი პეტრე პოროშენკომ უკრაინაში ჯანდაცვის მინისტრის პოსტზე წარადგინა. კვიტაშვილი, სავარაუდოდ, უკრაინის ხელისუფლების მიერ შეთავაზებულ წინადადებას დათანხმდა.
