ბრიუსელში ვიზიტად მყოფი საგარეო საქმეთა მინისტრი თამარ ბერუჩაშვილი უკრაინის ხელისუფლებაში საქართველოს ყოფილი მაღალჩინოსნების შესაძლო დანიშვნას გამოეხმაურა და განმარტა, რომ ოფიციალურ ინფორმაციას აღნიშნულის შესახებ არ ფლობას.
„ მრავალად არის ინფორმაცია, სპეკულაცია ამ თემაზე რაც არ არის ნამდვილად სასიამოვნო დღევანდელი კონტექსტიდან გამომდინარე. კონკრეტული, ოფიციალური ნამდვილად არ არსებობს ამის თაობაზე", _განმარტა მინისტრმა.
ამასთან საგარეო უწყების ხელმძღვანელმა დაადასტურა ინფორმაცია საქართველოს პრემიერ-მინისტრის უკრაინაში ვიზიტის შესახებ.
,,უკრაინის მთავრობა ფორმირების პროცესშია და ჩვენ გადავეცით მზადყოფნა, რომ საქართველოს აღმასრულებელი ხელისუფლების წარმომადგენლები პრემიერ-მინისტრის ხელმძღვანელობით ჩავიდნენ უკრაინაში," - განაცხადა ბერუჩაშვილმა „კურიერთან" საუბრისას.
შეგახსენებტ, რომ უკრაინის პრეზიდენტ პეტრე პოროშენკოს ფრაქციის წევრმა მუსტაფა ნაიემმა სოციალური ქსელ "ფეისბუქში" დაადასტურა, რომ უკრაინის შინაგან საქმეთა მინისტრის მოადგილის პოსტზე ეკა ზღულაძის კანდიდატურა განიხილება. ზღულაძე საქართველოს შინაგან საქმეთა მინისტრი იყო მიხეილ სააკაშვილის მთავრობაში.
სოციალურ ქსელში გამოქვეყნდა ფოტოები, სადაც ალექსანდრე კვიტაშვილი ყოფილ შინაგან საქმეთა მინისტრ ეკა ზღულაძესთან ერთად მმართველი პარტიის ფრაქციის წევრებს ხვდება. უკრაინული მედიის ინფორმაციით, ფრაქციასთან შეხვედრაზე გუშინ თავად პრეზიდენტი პოროშენკოც იმყოფებოდა.
უკრაინულ მედიაში გუშინ გავრცელდა ინფორმაცია, რომ საქართველოს ყოფილი ჯანდაცვის მინისტრი ალექსანდრე კვიტაშვილი პეტრე პოროშენკომ უკრაინაში ჯანდაცვის მინისტრის პოსტზე წარადგინა. კვიტაშვილი, სავარაუდოდ, უკრაინის ხელისუფლების მიერ შეთავაზებულ წინადადებას დათანხმდა.
მასალის გამოყენების პირობები
