ამერიკიდან-საქართველოში დაბრუნდებული თავდაცვის ყოფილი მინისტრი ირაკლი ალასანია ვაშინგტონსა და ნიუ-იოკრში გამართულ შეხვედრებზე საუბრობს. როგორც ჟურნალისტებთან ალასანიამ განაცახდა, შეხვედრებისას მან რუსეთის მხრიდან მომავალ საფრთხეებზე გააკეთა აქცენტი და არსებულ ვითარებაში უკრაინისა და საქართველოს თავდაცვის გაძლიერების აუცილებლობაზე ისაუბრა.
მისი თქმით, თუ დღეს არ ჩაიდო ინვესტიცია იმ ქვეყნების თავდაცვისუნარიანობის გაძლიერებაში, რომელსაც რუსეთი უპირისპირდება, ხვალ უკვე გვიან იქნება.
„ღიად, გულწრფელად ვურჩიე დასავლეთს თუ რა ნაბიჯები უნდა გადადგას რეალურად, რომ გააძლიეროს როგორც ეკონომიკურად და ფინანსურად უკრაინა და საქართველო, ასევე რამდენად მნიშვნელოვანია, რომ თავდაცვითი შესაძლებლობები ჰქონდეთ იმ პარტნიორ ქვეყნებს, რომლებიც ჯერჯერობით არ არიან ნატო-ს წევრები და როგორ უნდა გაგრძელდეს მაქსიმალურად დიდი ეკონომიკური სანქციები რუსეთის მიმართ", - განაცხადა ალასანიამ.
ალასანიამ შეხვედრების დროს საქართველოში არსებულ სიტუაციაზეც გაამახვილა ყურადღება..