თუ უკრაინის მთავრობაში ის ადამიანები დაინიშნებიან, რომელთა წინააღმდეგ საქართველოში სისხლის სამართლის საქმეა აღძრული, ეს ქვეყნებს შორის ურთიერთობას ხელს არ შეუწყობს, - განაცხადა მთავრობის სხდომის დაწყებამდე განაცხადა, საქართველოს ჯანდაცვის მინისტრმა, დავით სერგეენკომ უკრაინის მინისტრთა კაბინეტში საქართველოს ხელისუფლების ყოფილი მაღალჩინოსნების შესაძლო დანიშვნასთან დაკავშირებით.
მისი თქმით, ვის დანიშნავს უკრაინის ხელისუფლება მთავრობაში, ეს თავად უკრაინის ხელისუფლების გადასაწყვეტია.
"ვის დანიშნავს უკრაინის ხელმძღვანელობა მთავრობაში, ეს აბსოლუტურად მათი გადასაწყვეტია. საქმე იმაშია, რომ თუ გადაწყვეტენ დანიშნონ ის ადამიანები, რომლებზეც საქართველოში სისხლის სამართლის საქმე აღძრული, რა თქმა უნდა, ეს არ შეუწყობს ხელს ქვეყნებს შორის ურთიერთობას", - განაცხადა სერგეენკომ.
