სახალხო დამცველი უჩა ნანუაშვილი ლაფანყურის გახმაურებული სპეცოპერაციის დღემდე უცნობ დეტალებს ასაჯაროვებს და განმარტავს, რომ ოიციალური ინფორმაცია შეირაღებული დაჯგუფება საქართველოში ჩრდილოეთ კავკასიიდან შემოვიდა, სიმართლეს არ შეესაბამება.
,,ჩრდილოეთ კავკასიიდან შეიარაღებული ჯგუფი არ შემოსულა, არამედ შემოვიდა სხვა მხრიდან და ეს ცხადია იმ მასალებიდან რომელიც ჩვენ გადმოგვეცა", _განაცხადა ნანუაშვილმა ჟურნალისტებთან საუბრისას.
ნანუაშვილის ინფორმაციით, სპეცოპერაციის დროს დაღუპულებს სამედიცინო ექსპერტიზა არ ჩატარებიათ.
მისივე განმარტებით, არსებობს მტკიცებულებები რომელიც ლაფანყურის სპცოპერაციის ოფიციალურ ვერსიას გამორიცხავს.
სახალხო დამცველის განცხადებით, ადგილზე სადაც სპეცოპერაცია ჩატარდა ტყვიის მასრები კვლავ შენარჩუნებულია.
შეგახსენებთ, რომ ლოპოტას ხეობაში 2012 წლის აგვისტოში ჩატარებულ სპეცოპერაციასთან დაკავშირებით სახალხო დამცველმა უჩა ნანუაშვილმა ანგარიში წარადგინა.
დოკუმენტი, წელიწადნახევრის განმავლობაში, დამოუკიდებლად მოპოვებულ მასალებზე დაყრდნობით მომზადდა.
კვლევაში, რომელიც ომბუდსმენის აპარატის ინიციატივით გაიმართა, 12 დამოუკიდებელი ექსპერტი მონაწილეობდა.
ლაფანყურის სპეცოპერაციის დროს დაიღუპნენ სპეცრაზმის ორი თანამშრომელი არჩილ ჩოხელი და სოლომონ წიკლაური, ასევე სამხედრო ექიმი - ვლადიმერ ხვედელიძე.