არასამთავრობო ორგანიზაციები ე.წ. ფარულ მოსმენებთან დაკავშირებით მიღებული კანონს საკონსტიტუციო სასამართლოში გასაჩივრებენ.
მათი განმარტებით, მიღებული კანონით პარლამენტმა უკანონო მოსმენები დააკანონა.
არასამთავრობო სექტორი არც აქციების გამართვას გამორიცხავენ. ისინი შესამუშავებლად დღეს შეიკრიებებიან, რის შემდეგაც საჯარო განცხადებას გააკეთებენ.
"ფაქტიურად მოხდა უკანონობის ლეგალიზაცია. აღმოჩნდა, რომ ეს ადამიანები არ ზრუნავენ მათ ამომრჩევლებზე და ადამიანის უფლებებზე და ცდილობენ, რომ საზოგადოებას ეს შეფუთული კანონპროექტები შესთავაზონ" განაცხადა არასამთავრობო ორგანიზაცია "საერთაშრისო გამჭვირვალობა საქართველოს" ხელმძღვანელმა ეკა გიგაურმა.
82-მომხრე, 13- წინააღმდეგი, დეპუტატებმა ე.წ. მოსმენებთან დაკავშირებით პრეზიდენტის ვეტო გუშინ დაძლიეს.
შეგახსენებთ, რომ პარლამენტმა პარასკევის პლენარულ სხდომაზე ბესელია-ფოფხაძე-სესიაშვილის კანონპროექტი 73 ხმით მიიღო. წინააღმდეგ კი ხმა 30 -მა დეპუტატმა მისცა. კანონპროექტის მესამე მოსმენით განხილვაში მონაწილეობა არ მიიღეს ფრაქცია "თავისუფალმა დემოკრატებმა" და "რესპუბლიკელებმა" თინათინ ხიდაშლმა. მათ პლენარული სხდომა, კანონპროექტის მეორე მოსმენით გახილვისას, პროტესტის ნიშნად დატოვეს. არსბული კანონპრპოექტის მიხედვით, შემოდის ე. წ. ორგასაღებიანი სისტემა, სადაც ე.წ. ერთი გასაღები შსს-ში რჩება, მეორე კი პერსონალური მონაცემთა დაცვის ინსპექტორს გადაეცემა
