"მინდა გისურვოთ გათავისუფლება"- ამ სიტყვებით მიმართა კოალიცია "ცვლილებისთვის" დაკავებულმა ლიდერმა, ნიკა მელიამ მოსამართლე თორნიკე ქოჩქიანს მას შემდეგ, რაც მან ოპოზიციონერ ლიდერს 5000 ლარიანი ჯარიმა დააკისრა.
ნიკა მელიამ სასამართლოს უთხრა, რომ "წყალი აქვთ შემდგარი" .
"5 თვის განმავლობაში საუბრის საშუალება არ მქონია და მომეცით ამის შესაძლბლობა. წყლის შემოტანის შესაძლებლობა არ მომეცით, ისედაც შემდგარი გაქვთ წყალი და ჩემი წყალი, რას დაგიშვებდათ. ივანიშვილი არის ქართველის ბოროტი პაროდია. ყველა პატრიოტს გამძლეობას ვუსურვებ. ჩვენი თავისუფლების ბრძოლა თქვენც გეხებათ და თქვენც იქნებით დახსნილი ამ მარწუხებიდან.
თქვენ ხომ კარგად იცით, რომ პოლიტიკური გადაწყვეტილების გარეშე მე ვერ გამიტაცებდნენ? მინდა გისურვოთ გათავისუფლება.
ვსარგებლობ შესაძლებლობით და მოვიკითხავ ყველა პოლიტპატიმარს. ხშირად ვუსმენ ხოლმე საკანში ეთერებში, რომ სინდისის პატიმარია და პოლიტიკური პატიმარია - სინამდვილეში ყველა არის რეჟიმის ტყვე.
დღევანდელმა დღემ დამარწმუნა, რომ ყველაფერი არის გაღეჭილი რუსული რიტუალი. გაღეჭილი რუსული რიტუალია, როცა უდანაშულოს დამნადავედ რაცხავთ. ეს არის შინაარისგან გამოცლილი საქმე, რომელსაც დაარქვს ადმინისტრაციული საქმე, სინამდვილეში არის ჩენჩურა, გამოცლილია, ჩუქჩაა. მართლა გგონიათ რომ ბიჭიკომ და ელიზბარმა დაგვაკავა მე ან ბევრი ჩვენი უცნობი ან ნაცნობი? ასეთი ფაქტები მომრავლდა, ეს გამოწვეულია რითი - ეს ხდება რუსეთში, სადაც მსხვერპლი დამნაშავედ ცხადდება და ამის კალკირება ხდება აქ. ივანიშვლისთვის კონცეპტუალურად მტრული მოვლენაა სამართლიანი მართლმსაჯულება. დღეა ხელისუფლებისთვის, რომელმაც ჩემი ჩათვლით ბევრი ადამიანი უმიზეზოდ დააკავა, მათ არცერთ სისხლის სამართლის საქმეს არაფერი საერთო მართლსაჯულებასთან. ივანიშვილი საქართველოს უყურებს, როგორც რუსეთის ტერიტორიას", -"ტვ პირველის" ცნობით, განაცხადა მელიამ.
დღეს, სასამართლომ, ნიკა მელია ადმინისტრაციული წესით დაკავების საქმეზე, 5 000 ლარით დააჯარიმა.
