ვფიქრობ, ეს იყო საქართველოს პრეზიდენტის საუკეთესო გამოსვლა, რაც მომისმენია, - ასე შეაფასა გიორგი მარგველაშვილის პარლამენტისადმი მიმართვა "თავისუფალი დემოკრატების" წევრმა ზურაბ აბაშიძემ.
მისი თქმით, პრეზიდენტის გამოსვლაში აქცენტები სწორად გაკეთდა.
"რა თქმა უნდა, აქცენტი გაკეთდა, რომ მინისტრთა კაბინეტის სამი წამყვანი წევრის, გადადგომა და გადაყენება, სწორედ ეს იყო საერთო შეშფოთების მიზეზი და ამან განაპირობა პრეზიდენტის მოსვლა პარლამენტში. ძალიან სწორი და მკვეთრი აქცენტები გააკეთა, თუ როგორ უნდა განვითარდეს სახელმწიფო.
როდესაც საუბარია, რომ სახელმწიფოში მოხდა პოლიტიკური დევნის შემოტანა თავდაცვის სამინისტროსთან მიმათებაში, როდესაც პროკურატურა გამოყენებულია ინსტრუმენტად ამ თვალსაზრისით, ვსაუბრობთ იმაზე, რომ ევროპულ და ევროატლანტიკურ სტრუქტურებთან მიმართებაში ქვეყნის განვითარებას შეექმნა საფრთხე, სწორედ ამ საკითხებზეე გაამახვილა ყურადღება პრეზიდენტმა. ჩვენ გვინდა, რომ არამარტო დეკლარირებულად მოხდეს მხადრაჭერა ქვეყნის დასავლური მისწრაფებისადმი, არამედ გადაიდგას კონკრეტული ნაბიჯები ", - განაცხადა აბაშიძემ.
მისივე თქმით პრეზიდენტმა "ორი ბატონის მსახურში" იგულისხმა, "ვინ არის ქვეყნის სამსახურში და არა კონკრეტული ხელისუფლების და პოლიტიკური ჯგუგფის სამსახურში".
