ძალიან დიდი ადამიანი დააკლდა საქართველოს. ალბათ 3 სიცოცხლე არ ეყოფოდა იმ საქმის გაკეთებას, რაც კახა ბენდუქიძემ გააკეთა, -ასე გამოეხმაურა კახა ბენდუქიძის გარდაცვალებას "თავისუფალი უნივერსიტეტის" პოლიტიკის ანალიზის ცენტრის სამეთვალყურეო საბჭოს წევრი ვატო ლეჟავა.
მისი თქმით, ეკონომიკის ყოფილი მინისტრისა და თავისუფალი უნივერსიტეტის დამფუძნებელის გარდაცვალების გარემოებები, ამ ეტაპზე, უცნობი.
"გარემოებები ჯერჯერობით უცნობია. ის გარდაცვლილი იპოვეს სასტუმროში, სადაც ის ცხოვროდა ამჟამად ლონდონში. სხვა ინფორმაცია ამ ეტაპზე არ გავქვს" ,- განაცხადა ლეჟავამ.
ეკონომიკის ყოფილი მინისტრი და თავისუფალი უნივერსიტეტის დამფუძნებელი კახა ბენდუქიძე 58 წლის ასაკში, გულზე ჩატარებული ოპერაციის შემდეგ ლონდონის ერთ-ერთ სასტუმროში გარდაიცვალა.
