ყოფილი საგარეო საქმეთა მინისტრი სალომე ზურაბიშვილი სოციალურ ქსელში ეკონომიკის ყოფილი მინისტრის კახა ბენდუქიძის გარდაცვალებას ეხმიანება და აცხადებს, რომ ცოტა ხნის წნ დაათვალიერა მის მიერ დაარსებული უნივერსიტეტი ამ საქმეს რომ ხელს მოკიდებს ადამიანი და მას ასეთ დასრულებულ სახეს მისცემს უნდა უთუოდ დაუფასდეს.
,,გაგიკვირდებათ ზოგიერთებს და ზოგს არა.... მაგრამ მეწყინა....!მეწყინა რადგან ამ ადამიანმა ცუდი რაც გააკეთა ჯერ არავის დაუმტკიცებია (ვგულისხმობ ქვეყნის აქტივებს რუსეთზე გაყიდვის ბრალდებებს რაშიც მგონი მეტს აბრალებდნენ ვიდრე რეალურად იყო მის პასუხისმგებლობაში, და რომელ საქმეშიც ბევრად უფრო კარგად მოკალათებულნი სხვებიც იყვნენ : ბეჟუაშვილები და სხვები), კარგი საქმე კი მე ვიცი ერთი : მისი დაარსებული უნივერსიტეტი ცოტა ხნის წინ დავათვალიერე და ამ საქმეს რომ ხელს მოკიდებს ადამიანი და მას ასეთ დასრულებულ სახეს მისცემს უნდა უთუოდ დაუფასდეს... ქართულ განათლებისთვის და იმ ახალგაზრდებისთვის ვინც ვერ გადიან ქვეყნიდან სასწავლებლად მეტი გააკეთა ვიდრე ნებისმიერ განათლების მინისტრმა დღემდე.... ამიტომ მის სტუდენტებთან ერთად მეც მეწყინა!", _აცხადებს ზურაბიშვილი
58 წლის ასაკში, ეკონომიკის ყოფილი მინისტრი და თავისუფალი უნივერსიტეტის დამფუძნებელი კახა ბენდუქიძე გულზე ჩატარებული ოპერაციის შემდეგ გარდაიცვალა.როგორც "ჯი-ეიჩ-ენს ბენდუქიძის ახლობლებმა განუცხადეს, იგი შვეიცარიაში მკურნალიბდა და ერთ-ერთ კლინიკაში გულზე სტენტირების ოპერაცია გაიკეთა. მას შემდეგაც, რაც ექიმმა ფრენის ნება დართო იგი ლონდონში ჩაფრინდ, სასტუმროში შეუძლოდ გახდა და გარდაიცვალა. დაიბადა 1956 წლის 20 აპრილს ქალაქ თბილისში. დაამთავრა თბილისის 55-ე საშუალო სკოლა. 1977 წელს დაამთავრა თბილისის სახელმწიფო უნივერსიტეტისბიოლოგიის ფაკულტეტი. ამავე წელს ჩაირიცხა მოსკოვის სახელმწიფო უნივერსიტეტის ასპირანტურაში. მოსკოვის სახელმწიფო უნივერსიტეტის ასპირანტურის დამთავრების შემდეგ, 1981წლიდან კახა ბენდუქიძე მუშაობდა ჯერ მეცნიერებათა აკადემიის მიკროორგანიზმთა ბიოქიმიისა და ფიზიოლოგიის ინსტიტუტში, ხოლო შემდეგ ბიოტექნოლოგიის ინსტიტუტში ლაბორატორიის გამგედ. მისი კვლევები ძირითადად ფოკუსირებული იყო გენური ინჟინერიის ტექნოლოგიების და რეკომბინანტული ვაქცინების შექმნაზე.
1990 წლიდან დაიწყო სამეწარმეო საქმიანობა, ხოლო 1993 წლიდან აქტიურად ჩაერთო რუსეთის ინდუსტრიის რესტრუქტურიზაციისა და კონსოლიდაციის პროცესში. 1996 წელსშექმნა მძიმე ინდუსტრიის ერთ-ერთი ყველაზე დიდი კომპანია - „გაერთიანებული მანქანათმშენებელი ქარხნები". მისი შექმნის დღიდან 2004 წლამდე კახა ბენდუქიძე იყო კომპანიის დირექტორთა საბჭოს თავმჯდომარე და გენერალური დირექტორი. მისი ხელმძღვანელობის წლებში „გაერთიანებული მანქანათმშენებელი ქარხნები" გადაიქცა საერთაშორისო კომპანიად, რომელიც თავის საწარმოო საქმიანობას წარმართავდა რუსეთში, უკრაინაში, რუმინეთში, ჩეხეთსა და ამერიკის შეერთებულ შტატებში. კომპანიამ გაიარა ლისტინგი ლონდონის საფონდო ბირჟაზე.
2002 წლიდან იყო ეკონომიკის უმაღლესი სკოლის (მოსკოვი) ინსტიტუციური ეკონომიკის კათედრის პროფესორი. 2004წლის მაისამდე იყო რუსეთის მეწარმეთა და მრეწველთა კავშირის ვიცე-პრეზიდენტი და ხელმძღვანელობდა საგადასახადო-საბიუჯეტო კომიტეტს. 2004 წლის დასაწყისში იგი ჩამოშორდა აქტიურ ბიზნესსაქმიანობას.
2004 წლის ივნისიდან გახდა საქართველოს მთავრობის წევრი - ეკონომიკის მინისტრი, შემდგომ - ეკონომიკური განვითარების მინისტრი. 2004 წლის ბოლოს იგი დაინიშნა რეფორმების კოორდინაციის საკითხებში საქართველოს სახელმწიფო მინისტრად. კახა ბენდუქიძე ითვლება ბოლო წლების ერთ-ერთ ყველაზე წარმატებულ რეფორმატორად. მისი უშუალო ავტორობით განხორციელდა ეკონომიკის დელეგურილების, ჯანმრთელობის დაცვის, საფინანსო სექტორის, ბუნებრივი რესურსებით სარგებლობის, სანებართვო-სალიცენზიო სისტემის, ენერგეტიკისა და საჯარო სამსახურის მნიშვნელოვანი რეფორმირება, შრომის ბაზრისა და საგადასახადო სისტემის ლიბერალიზაცია. განახლდა პრივატიზაციის პროცესი. მასვე ეკუთვნის გახმაურებული ფრაზა - „იყიდება ყველაფერი, სინდისის გარდა".
2007 წელს დააფუძნა საქველმოქმედო ორგანიზაცია ცოდნი ფონდი
2008-2009 წლებში იყო საქართველოს მთავრობის კანცელარიის უფროსი.
იყო თბილისის თავისუფალი უნივერსიტეტისა და საქართველოს აგრარული უნივერსიტეტისსამეთვალყურეო საბჭოს თავმჯდომარე.
