„ქართულ სიხშირეებზე რუსული შხამი ვრცელდება", - ასე გამოეხმაურა მიხეილ სააკაშვილი საქართველოში რუსული რადიო სადგურის „სპუტნიკის" გახსნას.
ექსპრეზიდენტის აზრით, საქართველოს მთავრობამ ქმედითი ნაბიჯი უნდა გადადგას და მსგავსი რადიოსადგურების ფუნქციონირება უნდა შეაჩეროს.
საქართველოს ყოფილი პრეზიდენტი „სპუტნიკის" ხელმძღვანელის, დიმიტრი კისილოვის შესახებაც საურბობს. სააკაშვილი ფიქრობს, რომ კისილოვის პროექტები საქართველოში უნდა აიკრძალოს.
„კისილოვი ის ადამიანია, რომელმაც 2008 წლის ომის დროს დაღუპული ქართველი ბავშვების კადრები ქართველების მიერ დახოცილ რუს ბავშვებად გაასახა, ხოლო თვითმფრინავები, რომლებიც გორს ბომბავდნენ, ქართულად. კისილოვის ყველა პროექტი უკრაინაში აკრძალულია და რატომ არ იკრძალება საქართველოში? ჩვენი ქვეყენაც ხო ოკუპირებულია", - განაცხადა მიხეილ სააკაშვილმა "რუსთავი 2"-თან საუბრისას.
საქართველოს ყოფილი პრეზიდენტი ტელეკომპანია "პიკის" დახურვის საკითხსაც ეხმაურება და აცხადებს, რომ საქართველოს მთავრობის გადაწყვეტილება დახურულიყო ერთადერთი ქართული საინფორმაციო არხი რუსულ ენაზე არასწორი იყო.