თავად ირაკლი ალასანიამ მოითხოვა თავდაცვის სამინისტროში აუდიტის ჩაატარება და მე ამას მივესალმე, - ამის შესახებ, პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა საკითხის კომენტირებისას განაცხადა.
მისი თქმით, 2011-13 წლებში თავდაცვის სამინისტროს საქმიანობის შესახებ აუდიტის დასკვნას, პარლამენტი შეისწავლის. მისივე ინფორმაციით, ამ მიზნით, წლის ბოლომდე ნდობის ჯგუფის ორი შეხვედრა გაიმართება.
"გვაინტერესებს, როგორ ხდებოდა საიდუმლო შესყიდვა. ჩვენ მთლიანად შევისწავლით ბოლო ორი წლის განმავლობაში სახელმწიფო უწყებებში განხორციელებულ საიდუმლო შესყიდვებს. 9 წლის განმავლობაში, წინა ხელისუფლების მმართველობის პერიოდში, არც ერთხელ აუდიტის სამსახურს არ შეუმოწმებია თავდაცვის სამინისტრო, რომელიც მილიარდობით საბიუჯეტო სახსრებს მოიხმარდა. ამიტომ, თავისთავად ცხადია, არაერთხელ მისაუბრია ბატონ ირაკლისთან ამ საკითხზე. თავად ირაკლი ალასანიამ მოითხოვა თავდაცვის სამინისტროში აუდიტის ჩაატარება და მე ამას მივესალმე", - განაცხადა სესიაშვილმა.