სასალაქო სასამართლოს მოსამართლის გადაწყვეტილებით, თავდაცვის სამინისტროსა და შპს „ქართული კვების კომპანიის" თანამშრმლებს, აღკვეთის ღონისძიების არც ერთი ფორმა არ განესაზღვრა.
მოსამართლემ სამხედროების მოწამვლის ფაქტზე ბრალდებულ პირებისთვის აღკვეთის ღონისძიების სახით გირაოს შეფარდების შესახებ, ბრალდების მხარის შუამდგომლობა არ დააკმაყოლილა. ბრალდება 5 დაკავებულისთვის გირაოს სახით, 10 000-ლარიანი, ხოლო ერთს შპს „ქართული კვების კომპანიის" ყოფილ მენეჯერს თორნიკე ხუბუას, 2 000-ლარიანი გირაოს შეფარდებას ითხოვდა..
შეგახსენებთ, პროკურატურამ თავდაცვის სამინისტროს რამდენიმე თანამშრომელს ბრალი 4 ნოემბერს წაუყენა.
უწყების ინფორმაციით, საქართველოს თავდაცვის სამინისტროს მოქმედი თანამდებობის პირებისა და სამხედრო მოსამსახურეთა კვებითი უზრუნველყოფის განმახორციელებელი შპს „ქართული კვების კომპანიის" მენეჯერების გულგრილობის შედეგად, ადგილი ჰქონდა სამხედრო მოსამსახურეთა მასობრივ დაავადებას.
საქართველოს თავდაცვის სამინისტროში ჩადენილი ამ დანაშაულებრივი ქმედებისათვის საქართველოს მთავარი პროკურატურის მიერ გამოტანილია ბრალდების შესახებ დადგენილებები და ბრალი წარედგინებათ
აღნიშნნუ ფაქტზე, ბრალი წარედგინათ, საქართველოს თავდაცვის სამინისტროს გენერალური შტაბის სამედიცინო დეპარტამენტის უფროსს მედეა ბეთაშვილს, საქართველოს შეიარაღებული ძალების მესამე ქვეითი ბრიგადის მთავარ ექიმს მიხეილ ბესტაევს, მეოთხე ქვეითი ბრიგადის სამედიცინო სამსახურის უფროსს ოთარ ჯეჯეიას და შპს „ქართული კვების კომპანიის" მენეჯერებს: აკაკი გიორგაძეს, ლაშა გელოვანს და თორნიკე ხუბუას.
საქმეზე გამოძიება საქართველოს სისხლის სამართლის კოდექსის 2201-ე მუხლის პირველი ნაწილით და 342-ე მუხლის პირველი ნაწილით, რაც სასჯელის სახედ თავისუფლების აღკვეთას სამ წლამდე ვადით ითვალისწინებს.
