საპარლამენტო უმრავლესობის წვრი ზაქარია ქუცნაშვილი პრეზიდენტის პარლამენტში გამოსვლის აუცილებლობას ვეღარ ხედავს.
როგორც ქუცნაშვილმა ჟურნალისტებს პარლამენტში განუცხადა, თუ პრეზიდენტი აღარ მიიჩნევს რომ საქართველომ ევროატლანტიკურ კურს გადაუხვია, მისი გამოსვლას საფუძველი აღარ აქვს.
,,პრეზიდენტის მიმართვას, ჩემი აზრით, საფუძველი გამოეცალა, თუ ის არ მიიჩნევს, რომ საქართველომ ევროატლანტიკურ კურს გადაუხვია. მისი განცხადება განპირობებული იყო ,,თავისუფალი დემოკრატების" განცხადებით. შესაბამისად, თუკი პრეზიდენტი აღარ მიიჩნევს, რომ საქართველომ ევროატლანტიკურ კურს გადაუხვია, მაშინ მის მიმართვას საფუძველიც აღარ აქვს. თებერვალში მას ისედაც უწევს ანგარიშის წარდგენა პარლამენტში. ეს ჩემი სუბიექტური აზრია ", - განაცხადა ზაქარია ქუცნაშვილმა.
შეგახსენებთ, პრეზიდენტის პარლამენტისადმი მიმართვა ხვალ 12:00 საათზეა დაგეგმილი.