„სახელმწიფო აუდიტის სამსახური თავდაცვის სამინისტროში ირაკლი ალასანიას მოთხოვნით შევიდა," -განცხადება სახელმწიფო აუდიტის სამსახურის გენერალურმა აუდიტმა, ლაშა თორდიამ.
თორდია კატეგორიულად გამორიცხავს პოლიტიკურ დევნას და აცხადებს, რომ ქვეყნის მთავარ სამხედრო უწყებაში მისი სამსახური წელიწადის და 4 თვის წინ, 2013 წლის ივლისში შევიდა.
„თუ ჩვენ რაიმე საქმეს ვკერავთ, მაშინ გამოდის, რომ წელიწადი და 4 თვეა, ამას ვაკეთებთ,"-აღნიშნა თორდიამ და აქვე განმარტა, რომ ახლადაღმოჩენილი მასალები არა კვებისა და ე.წ. კაბელების სამეებს, არამედ სხვა მიმართულებით მიმდინარე შესყიდვებს უკავშირდება.
შეგახსენებთ, რომ ,,თავისუფალი დემოკრატების" წევრი ალექსი პეტრიაშვილი, საპარალამენტო უმრავლესობის ლიდერის დავით საგანელიძის მიერ აუდიტის სამსახურიდან და პროკურატურურიდან თავდაცვის სამინისტროსთან დაკავშირებული მასალების მოთხოვნას, პრემიერ ირაკლი ღარიბაშვილის გუნდის მხრიდან ყოფილი თავდაცვის მინისტრის ირაკლია ალასანიას გუნდის დევნას უკავშირებს.
„ეს პირდაპირ უკავშირდება ღარიბაშვილის გუნდის მხრიდან ალასანაის პოლიტიკურ დევნას. სამწუხაროა, რომ ამ სქემაში უკვე ჩართულია ღარიბაშვილის გუნდის საკანონმდებლო ფრთაც. პარლამენტში ნაციონალური ოცნების წარმომადგენლებმა და ლიდერმა მიიღო და დაიჭირა უკვე მხარე. საქმეები იმსხვრევა, რეალურად და ახლა არის მთელი მცდელობა იმისა, რომ მოხდეს ახალი საქმეების შეკერვა", - აცხადებს ალექსი პეტრიაშვილი.
საპარლამეტნო უმრავლესობის ლიდერმა დავით საგანელიძემ აუდიტის სამსახურს მიმართა პარლამენტს თავდაცვის უწყების საქმის მასალები პარლამენტს გადაუგზავნოს.
აუდიტის სამსახურის ხელმძღვანელმა ლაშა თორდიამ განაცხადა, რომ მასალები პარლამენტს უახლეს დღეებში გაეგზავნება. მისი თქმით, აუდიტის სამსახურის მასალები არ შეეხება ე.წ. კაბელებისა და სამხედროების კვებასთან დაკავშირებულ საქმეებს.
მასალის გამოყენების პირობები