ადვოკატებს ყოფილი დიპლომატის ეროსი კიწმარიშვილის საქმეზე საგამოძიებო მასალების გაცნობა დღეს უნდა დაესრულებინათ, თუმცა როგორც ,,ჯი-ეიჩ-ენთან" საუბარში კიწმარიშვილის ძმამ ზურაბ კიწმარიშვილმა განაცხადა პროკურატურის მოთხოვნით შეხვედრა გადაიდო.
,,დღეს უნდა მივსულიყავით, მაგრამ პროკურატურამ, ამის საშუალება არ მოგვცა და გვითხრა, რომ სააქმეებია და ვერ მიგვიღო", _განაცხადა ,,ჯი-ეიჩ-ენთან"კიწმარიშვილმა და აღნიშნა, რომ საგამოძიებო უწყებას არ უთქვამს თუ როდის შეძლებენ ადვოკატები საქმის მასალების გაცნობას.
,,არ უთქვამთ არაფერი. Eეს საკითხი დღეს უნდა გვარკვიოთ", _აცხადებს ზურაბ კიწმარიშვილი.
შეგახსენებთ, 15 ივლისს რუსთავის მერობის ყოფილი კანდიდატი ეროსი კიწმარიშვილი მისსავე ავტოფარეხში, გარდაცვლილი იპოვნეს. კიწმარიშვილის საქმესთან დაკავშირებით გამოძიება სსკ 115-ე მუხლით მიმდინარეობს, რაც თვითმკვლელობამდე მიყვანას გულისხმობს. გამოძიებისგან განსხვავებული ვერსია აქვს კიწმარიშვილის ოჯახს.
