საგარეო საქმეთა ყოფილი მინისტრი სალომე ზურაბიშვილი საგარეო უწყების ხელმძღვანელად თამარ ბერუჩაშვილის დანიშვნას სოციალურ ქსელში ეხმიანება და აცხადებს, რომ აღნიშნულ თანამდებობაზე დანიშნა ის ადამიანი ვინც დღეს მოგვევლინება როგორც "მოღალატე" და " სიტყვის გამტეხი"
,,თამარ ბერუჩაშვილის დანიშვნაზე არაფერს დავწერდი და კომენტარს არ გავაკეთებდი, როგორც არასოდეს გამიკეთებია მის წინამორბედზე რამეთუ ეს სცილდება კორექტულობას და ყოფილ მინისტრმა თავისი კოლეგები არ უნდა განსაჯოს... მაგრამ დღევანდელ შემთხვევაში არ შეიძლება არ გავაკეთო კომენტარი არა პირადად ახალ მინისტრზე - რა ჩემი საქმეა?- არამედ იმ უაღრესად დამამძიმებელ მოვლენაზე რომელიც ეხება მისი დანიშვნის გარემოებებს: დანიშნულ იქნა ის ვინც დღეს მოგვევლინება როგორც "მოღალატე" და " სიტყვის გამტეხი" ... ბერუჩაშვილი იმით არის ცნობილი დღეს, რომ გუშინ გვაფრთხილებდა კურსი შეიცვალაო და გადავდექიო და მეორე დღეს გადათქვა სიტყვა! მე ვერ ვიტყვი ამ ორი პოზიციიდან რომელი იყო სწორი - და ეს მისი გადასაწყვეტი იყო - მაგრამ ფაქტი რომ ამის გამკეთებელი ადამიანი არის შერჩეული, ძალიან ბევრის მთქმელია:- ერთი ის რომ გრძელდება ჩვენ ქვეყანაში მაგალითების გაქრობა... ახალგაზრდამ ვერ უნდა იყუროს რომელიმე პოლიტიკურ თუ საზოგადოებრივ ფიგურისკენ და იფიქროს ეს არის მაგალითი რომელსაც გავყვები. და ქვეყანა უმაგალითოდ არის სიკვდილის პირას მისული ქვეყანა!- მეორე ეხება მმართველობის სტილს და ეს არის კიდევ ერთი ნაბიჯი - ბევრის შემდეგ (პლასტელინა, ბუღალტერი განათლების სამინისტროში, 28 წლის მარად შექებული "თალიბან მინისტრი", და ასე შემდეგ) გადადგმული მთავრობის მარიონეტის თეატრად გარდაქმნისა. მეთოდი უკვე ჩამოყალიბებულია: მხოლოდ მართვადი, მხოლოდ უხერხემლო, მხოლოდ ის ვინც წინააღმდეგობას ვერ გაუწევს და თავისი აზრი არ გააჩნია... ეს შერჩევის მეთოდი არა ახალია ძველია ... "ვისაც გააფუჭებ შენია".... ეს იმ დროს როცა საქართველოს როგორც არასოდეს სჭირდება გამბედავი, შემოქმედი, მიზანმიმართული მთავრობა რათა უსერიოზულეს დღევანდელ გამოწვევებს გაუმკლავდეს !!!!", _აცხადებს ზურაბიშვილი.
პრემიერ-მინისტრმა ირაკლი ღარიბაშვილმა საგარეო საქმეთა მინისტრი წარდგინა. როგორც ღარიბაშვილმა განაცხადა საგარეო საქმეთა მინისტრის თამარ ბერუჩაშვილი დაიკავებს.
