საუკეთესო არჩევანი გაკეთდა , - ასე შეაფასა საგარეო საქმეთა მინისტრის პოსტზე თამარ ბერუჩაშვილის დანიშვნა საქართველოს ევროპულ ფასეულობათა ინსტიტუტის თანადამფუძნებელმა მამუკა ჟღენტმა.
„ვფიქრობ, საუკეთესო არჩევანი გაკეთდა. ახლი მინისტრი პროფესიონალია და იმ მიმართულებას, რაც დღეს ჩვენთვის არის და უნდა იყოს კიდეც პრიორიტეტული, იცნობს ზედმიწევნით", - განუცხადა „ჯი-ეიჩ-ენს" მამუკა ჟღენტმა.
მისვე თქმით, სასურველია მთავრობაში სტრუქტურული ცვლილებების გატარება.
„ჩემი აზრია და სურველია საგარეო და ევროინტეგრაციის სამინისტროები გაერთიანდეს და სამინისტროს დაერკვას საგარეო საქმეთა და ევროატლანტიკური ინტეგრაციის სამინისტრო, სადაც გადავიდოდა ინტეგრაციის სამინისტროს სრული შემადგენლობა.
ეს რა თქმა უნდა, მოითხოვს გარკვეულ ცლილებებს სამინისტროს საკადრო რეგულაციებში, მათ შორის, მინიმუმ ერთი მინისტრის მოადგილის შტატის დამატებას. თუმცა, ახალ მინისტრს და სამინისტროს სჭირდება დახმარება და აწ უკვე მნიშვნელივანია მთლიანად მთავრობის პოზიცია და კოორდინირებული ქმედებები, რაშიც დღემდე სერიოზული პრობლემები იყოს სახეზე", - განაცხადა ჟღენტმა.
შეგახსენებთ, რომ პრემიერ-მინისტრმა ირაკლი ღარიბაშვილმა საგარეო საქმეთა მინისტრის პოსტზე თამარ ბერუჩაშვილი წარადგინა.
