ძალიან მაინტერესებს ის არგუმენტი, რომლითაც გადააყენებენ ვიქტორ დოლიძეს, - ამის შესახებ, "თავისუფალი დემორატების" ერთ-ერთმა წევრმა ნინო გოგუაძემ განაცხადა.
მისი თქმით, "თავისუფალი დემოკრატები" პარლამენტში, საკუთარი ნებით, არც ერთი პოსტის დატოვებას არ აპირებენ.
"რადგან ეს არის პოლიტიკური პროცესები, ჩვენ არ დავწერთ განცხადებებს, გადაგვაყენეონ და ძალიან მაინტერესებს ის არგუმენტი, რომლითაც გადააყენებენ, თუნდაც ვიქტორ დოლიძეს, რომელიც არის ევროინტეგრაციის კომიტეტის თავმჯდომარე", - განაცხადა გოგუაძემ.
ცნობისთვის, პარლამენტის ვიცე-სპიკერ ზურაბ აბაშიძის პოსტიდან შესაძლო გაწვევის საკითხს უმრავლესობა სავარაუდოდ, პრემიერ-მინისტრთან შეხვედრაზე განიხილავს.
პარლამენტის წესებისა და საპროცედურო საკითხთა კომიტეტის თავმჯდომარე გიორგი კახიანის თქმით, თუ უმრავლესობის გადაწყვეტილებით, ფრაქცია "თავისუფალი დემოკრატების" წევრი, ზურაბ აბაშიძე დარჩება ვიცე-სპიკერად, ეს პარლამენტის რეგლამენტთან წინააღმდეგობაში არ იქნება. მისივე განმარტებით, აბაშიძის ვიცე-სპიკერის პოსტიდან გაწვევის შესახებ, გადაწყვეტილება საპარლამენტო უმრავლესობამ უნდა მიიღოს.
