სახალხო დამცველმა უჩა ნანუაშვილმა პროკურატურისგან თავდაცვის სამინისტროს დაკავებული მაღალჩინოსნების საქმის მასალები გამოითხოვა.
უჩა ნანუაშვილის თქმით, იგი პირადად არის დაინტერესებული, რაც შეიძლება მოკლე დროში მოხერხდეს საქმის შესწავლა.
,,ჯერჯერობით საქმე არ მიგვიღია, გვაქვს გამოთხოვილი და ველოდებით საქმის მასალების მიღებას. მე პირადად დაინტერესებული ვარ უახლოესი დღეების განმავლობაში მასალები გვქონდეს. შესაბამისად ამის შემდეგ შეგვეძლება კონკრეტული კომენტარის გაკეთება", _განაცხადა ჟურნალისტებთან ნანუაშვილმა.
შეგახსენებთ, რომ მთავარმა პროკურატურამ თავდაცვის სამინისტროს მაღალჩინოსნები 28 ოქტომბერს დააკავა. მათ ბრალად სახელმწიფო ბიუჯეტის კუთვნილი 4 მილიონ 102 ათას 872 ლარის გაფლანგვა ედებათ.
