რუსეთის პრეზიდენტმა ჩინელ კოლეგას რუსული სმარტფონი აჩუქა. YotaPhone2 სი ძინპინმა პუტინისგან პეკინში მიიღო, სადაც კრემლის ლიდერი აზია-წყნარი ოკეანის ეკონომიკური თანამშრომლობის სამიტს დაესწრება. ორი ქვეყნის ლიდერებმა ხელი 17 მნიშვნელოვან ხელშეკრულებას, მათ შორის, რუსული გაზით ჩინეთის მომარაგების შეთანხმებას მოაწერეს. რაც შეეხება სმარტფონს, მეორე თაობის რუსული YotaPhone-ის გაყიდვა ოფიციალურად დეკემბრიდან დაიწყება. სმარტფონის პრეზენტაცია კი ლას-ვეგასში 2014 წლის იანვარში შედგა.
მასალის გამოყენების პირობები
