დარწმუნებული ვარ, რომ ეს ყრილობა და "თავისუფალი დემოკრატების" შემდგომი საქმიანობა იქნება მიმართული სწორედ კოალიციის სადამფუძნებლო პრინციპების ცხოვრებაში გატარების მიმართულებით, ჩვენი ქვეყნის და ჩვენი სამშობლოს საკეთილდღეოდ, - ამის შესახებ, პარლამენტის თავმჯდომარე დავით უსუფაშვილმა თავისუფალი დემოკრატების" ყრილობაზე სიტყვით გამოსვლისასგანაცხადა.
უსუფაშვილმა ასევე აღნიშნა, რომ უახლოეს დღეებში, სრულიად საქართველო და მსოფლიო დარწმუნდება, რომ "თავისუფალი დემოკრატების" არჩევანი არის პარტიის ხედვა სახელმწიფოს სასარგებლოდ.
"მოხარული ვარ, რომ მე, როგორც პარლამენტის თავმჯდომარეს, მიწევს მუშობა იმ პარლამენტში სადაც, წარმოდგენილნი არიან "თავისუფალი დემოკრატები", რომლებიც ფრაქცია "ქართული ოცნება -"თავისუფალი დემოკრატების" ნაცვლად მუშაობას გაგრძელებენ , როგორც "თავისუფალი დემოკრატები".
პოლიტიკური პროცესები არც ერთ ქვეყანაში არ არის მოცემულობა. ხდება მოვლენები, ზოგჯერ ძალიან არასასურველი, მაგრამ ჩვენ პოლიტიკოსებმა უნდა მოვახერხოთ ამ პროცესების სწორად გავლა და მე დარწმუნებული ვარ, უახლოეს დღეებში სრულიად საქართველო და მსოფლიო დარწმუნდება, რომ თქვენი არჩევანი არ არის არჩევანი პარტიის სასარგებლოდ, ეს არის თქვენი ხედვა სახელმწიფოს სასარგებლოდ. ჩვენ არ გვაქვს ფუფუნება დავკარგოთ ერთმანეთი, როგორც კი ჩვენი აზრები ერთმანეთისსა არ დაემთხვევა. ამასთანავე, მკაფიო პასუხი უნდა გავცეთ ყველა შესაძლო ს ტიპის სპეკულაციას. მე როგორც რესპუბლიკური პარტიის წარმომადგენელმა, მკაფიოდ მინდა ავღნიშნო, რომ ჩვენ ვრჩებით პარტნიორები იმ შემთხვევაშიც კი, როდესაც ჩვენი გზები გაიყარა რამდენიმე დღის წინ", - განაცხადა უსუფაშვილმა.
დავით უსუფაშვილს დელეგატებმა სიტყვა რამდენჯერმე ტაშით შეაწტვეტინეს.
