უკრაინის ქალაქ უჟგოროდში ავტომობილის ძარცვის ფაქტზე საქართველოს სამი მოქალაქე დააკავეს. როგორც სამართალდამცველები იტყობინებიან, ბოლო დროს, უჟგოროდში ავტომობილების ძარცვის შემთხვევები განსაკუთრებით გახშირდა.
ბოროტმოქმედები ქუჩებსა თუ დიდ სუპერმარკეტებთან გაჩერებული მანქანების კარებს სპეციალური სკანერის საშუალებით აღებენ და ფულს, დოკუმენტებსა თუ სხვა ძვირფას ნივთებს იპარავენ.
დაზარალებულემა სამართალდამცველებს მიმართეს, რის შემდეგაც ადგილობრივი მილიცია მუსაობის განსაკუთრებულ რეჟიმზე გადავიდა.
მათმა ძალისხმევამ შედეგი მალე გამოიღო და მძარცველები ფაქტზე დააკავეს.
როგორც აღმოჩნდა, უჟგოროდელბის მანქანებს სწორედ საქართველოსის სამი მოქალაქე ,,ასეუფთავებდა", რომლებიც ბოლო წლების განმავლობაში უკრაინის ტერიტორიაზე, ძირითადად კიევსა და ლუგანსკში ,,მოღვაწეობდნენ".
აღნიშნულ ფაქტთან დაკავშირებით მიმდინარეობს გამოძიება.
მასალის გამოყენების პირობები
