სააპელაციო სასამართლომ შესყიდვების საქმეზე დაკავებული თავდაცვის სამინისტროს მაღალჩინოსნების ადვკატების სარჩელი წარმობაში არ მიიღო, - ამის შესახებ, "ჯი-ეიჩ-ენ"- ს ადვოკატმა ლევან სამუშაიამ განუცხადა.
ადვოკატები, დაკავებულთათვის აღკვეთის ღონისძიების სახით პატიმრობას აპროტესტებდნენ და ალტერნატივის სახით, გირაოს- 10 000 ლარის გამოყენებას ითხოვნდენ.
"როდესაც ჩვენი საჩივარი არ მიიღო წარმოებაში სააპელაციო სასამარლოს საგამოძიებო კოლეგიამ, ამით მან მხარი დაუჭირა, იმ უკანონო განჩინების დასაბუთებას, რაც გამოიტანა საქალაქო სასამართლომ", - განაცახად სამუშიამ.
შეგახსენებთ, საქალაქო სასამართლოს გადაწყვეტილებით, თავდაცვის სამინისტროს 5 თანამშრომელს აღკვეთის ღონისძიებად, 2 თვიანი წინასწარი პატიმრობა შეეფარდა. დაკავებულებს, გამოძიება სახელმწიფო ბიუჯეტის კუთვნილი 4 102 872 ლარის გაფლანგვის ედავება.
გამოძიების ინფორმაციით, 2013 წელს, თავდაცვის სამინისტროს მიერ ორგანიზებული საიდუმლო სახელმწიფო შესყიდვის მიმდინარეობისას, უპირატესობის „სილქნეტის" მიენიჭა. პროკურატურის განცხადებით, ხელშეკრულებით თავდაცვის სამინისტრომ სს „სილქნეტს" უნდა გადაუხადოს ჯამში 6 720 877.42 ლარი, საიდანაც წინასწარ (ავანსად) გადარიცხულია უკვე 6 480 877.42 ლარი, სანაცვლოდ კი თავდაცვის სამინისტრომ სს „სილქნეტისგან" 2015 წლის 16 იანვარს უნდა მიიღოს ქონება და მომსახურება, რომლის რეალური საბაზრო ღირებულება ექსპერტიზის დასკვნის შესაბამისად შეადგენს მხოლოდ 2 618 004.82 ლარს.
თავდაცვის სამინისტრო ინიციატივით გამოდის, საზოგადოების მაღალი ინტერსის გათვალისწინებით, აღნიშნულ შესყიდვას გრიფი მოეხსნას, რათა პროცესი გამჭვირვალედ წარიმართოს. გრიფის მოოხსნას ითხოვს ასევე, დაცვის მხარეც.
