თავდაცვის ექსმინიტრი ირაკლი ალასანია აცხადებს, რომ პრეზიდენტ გიორგი მარგველაშვილის დღევანდელი განცხადება ყველასთვის ყურადსაღები უნდა იყოს.
,,რაც განაცხადა პრეზიდენტმა ეს არის ყურადსაღები ყველასთვის მათ შორის არა მხოლოდ მთავრობის წევრებსითვის, კოლიციისთვის არამედ მთელი საზოგადოებისთვის ", _განაცხადა თავდაცვის ექსმინიტრმა ირაკლი ალასანიამ ,,რუსთავი-2"-ის ეთერში.
"ქვეყანა არ უნდა იმართებოდეს კულუარებიდან," - ეს განცხადება თავდაცვის სამინისტროსა და პროკურატურას შორის არსებული დაპირისპირების კომენტირებისას საქართველოს პრეზიდენტმა გიორგი მარგველაშვილმა ვენაში ოფიციალური ვიზიტის დროს გააკეთა.
"ყურადღებით ვაკვირდებით კოალიციაში მიმდინარე კრიზისს, მაგრამ არ გაგვიკეთებია განცხადება. მიგვაჩნია, რომ კოალიციამ თავისი რესურსით უნდა დაძლიოს ეს ვითარება," - განაცხადა საქართველოს პრეზიდენტმა. მისივე თქმით, ქვეყანა უნდა იმართებოდეს ძლიერი ინსტიტუტების მიერ და არა კულუარებიდან.
პრეზიდენტი ფიქრობს, რომ პოლიტიკური დაპირისპირება საფრთხეს უქმნის ქვეყნის ევროპასთან ინტეგრაციას და ქართულ ჯარს, რომელიც ქვეყნის სუვერენიტეტის გარანტიაა.
