ირაკლი ალასანია არის ძალიან ეფექტური მინისტრი და ვფიქრობ, მან უნდა გააგრძელოს მუშაობა, - ამის შესახებ საპარლამენტო უმრავლესობის წევრმა ელისო ჩაფიძემ ჟურნალისტებს კოალიცია „ქართული ოცნების" ცენტრალურ ოფისში, უმრავლესობის შეხვედრის დაწყებამდე განუცხადა.
მისი თქმით, დაკავებებმა, მაშინ, როდესაც თავდაცვის მინისტრი მნიშვნელოვან შეხვედრაზე იმყოფებოდა, მინისტრის და ქვეყნის პოზიციები დაასუსტა.
"პროკურატურას უნდა მიეცეს მიშობის საშუალება, თუმცა, რა თქმა უნდა, იყო უსიამოვნო ფაქტი - იმ დროს, როდესაც დაკავებები მოხდა, ჩვენი თავდაცვის მინისტრი მნიშვნელოვან შეხვედრაზე იმყოფებოდა, რამაც დაასუსტა მისი და ჩვენი ქვეყნის პოზიციები. კრიმინალს და კორუფციას, თუკი ასეთი რამ გამოირკვევა, ჩვენ შევებრძოლებით ისე, რომ გუნდის ერთიანობა არ დაირღვევა", - განაცხადა ჩაფიძემ.
შეგახსენებთ, კოალიცია „ქართული ოცნების" ცენტრალურ ოფისში პრემიერ-მინისტრი ირაკლი ღარიბაშვილი უმრავლესობას ხვდება.
