სამხედრო მოსამსახურეების მოწამვლის ფაქტზე ერთ-ერთი ბრალდებული, თავდაცვის სამინისტროს გენერალური შტაბის სამედიცინო დეპარტამენტის ხელმძღვანელი მედეა ბეთაშვილი, წარდგენილ ბრალდებაში თავს დამნაშავედ არ სცნობს.
როგორც საგამოძიებო უწყებიდან გამოსვლის შემდეგ ბეთაშვილმა განაცხადა, საქმის მასალები დაცვის მხარეს უკვე გადაეცა, თუმცა მის წინააღმდეგ საქმეში არანაირი მტკიცებულება არ არის.
მედეა ბეთაშვილი პროკურატურას საქმის შესახებ ჩვენებას რამდენიმე სათის განმავლობაში აძლევდა.
შგახსენებთ, პროკურატურამ სამხედრო მოსამსახურეთა კვებითი უზრუნველყოფის საქმეზე თავდაცვის სამინისტროს რამდენიმე თანამშრომელს ბრალი წაუყენა.
უწყების ინფორმაციით, საქართველოს მთავარი პროკურატურის მიერ ჩატარებული გამოძიების შედეგად გამოვლენილ იქნენ საქართველოს თავდაცვის სამინისტროს მოქმედი თანამდებობის პირები და სამხედრო მოსამსახურეთა კვებითი უზრუნველყოფის განმახორციელებელი შპს „ქართული კვების კომპანიის" მენეჯერები, რომელთა გულგრილობის შედეგად ადგილი ჰქონდა სამხედრო მოსამსახურეთა მასობრივ დაავადებას.
ფაქტზე გამოძიება გრძელდება საქართველოს სისხლის სამართლის კოდექსის 2201-ე მუხლის პირველი ნაწილით და 342-ე მუხლის პირველი ნაწილით, რაც სასჯელის სახედ და ზომად ითვალისწინებს თავისუფლების აღკვეთას სამ წლამდე ვადით.
