"რესპუბლიკური პარტიის" თავმჯდომარის ხათუნა სამნიძის განცხადებით,პრემიერ-მინისტრ ირაკლი ღარიბაშვილის განცხადება, რომ მას თავდაცვის სამინსიტროს კითხვები აქვს არასწორია.
"თავისუფალი დემოკრატები არიან ჩვენი პარტნიორები და გვჯერა თავდაცვის მინისტრის, რომელიც მყარად დარწმუნებულია თავისი თანამშრომლების უდანაშაულობაში. არსებობს შეკითხვები პოლიტიკურ ნაწილზე ამ საქმეში და მინდა აღვნიშნო, რომ პოლიტიკურ ანგარიშსწორებაზე კითხვები იქნება თუ არ იქნება, დამოკიდებულია იმაზე, რამდენად გამჭვირვალედ წარიმართება პროცესი. სანამ ჯერ კიდევ გრიფი ადევს საქმეს, როდესაც საუბარია პროკურატურის ზეწოლაზე და პროცედურულ დარღვევებზე, რა თქმა უნდა, კითხვები დარჩება. ამ კითხვების გაქარწყლებისთვის ძალიან მნიშვნელოვანია, რომ პრემიერი არ იყოს მხარე. მის დაქვემდებარებაშია როგორც თავდაცვის სამინისტრო, ასევე პროკურატურა. პრემიერის განცხადება - "მე მაქვს კითხვები მინისტრთან" - ვფიქრობ, არასწორია. კითხვები აქვს პროკურატურას, სასამართლოში გადავა საქმე, რაც შეეხება მინისტრისა და პრემიერ-მინისტრის დონეს, აქ კითხვები არ უნდა არსებობდეს, რადგან პრემიერი არ არის კითხვების დამსმელი და ბრალმდებელი. მე ვფიქრობ, ეს არის არასწორი და სწორედ ასეთი დამოკიდებულება ბადებს შეკითხვებს, რომელიც არსებობს პოლიტიკურ ანგარიშწორებასთან დაკავშირებით", - აღნიშნა სამნიძემ
