ირაკლი ალასანიამ გვერდზე უნდა გადადოს, მის აზროვნებაში გაჩენილი წყენა და გააგრძელოს თავისი საქმიანობა, - ამის შესახებ "ტელეიმედის" ეთერში თავდაცვისა და უსაფრთხოების საპარლამენტო კომიტეტის თავმჯდომარემ ირაკლი სესიაშვილმა განაცხადა.
მისი განმარტებით, ირაკლი ალასანია სერიოზული გამოწვევების წინაშე დგას
"მე პირადად მივიჩნევ, რომ ირაკლიმ უნდა გააგრძელოს თავისი საქმიანობა. ის სერიოზული გამოწვევების წინაშე დგას. მან ამ შემთხვევაში გვერდზე უნდა გადადოს, თუნდაც, გარკვეულწილად, პოლიტიკური მოტივით მის აზროვნებაში გაჩენილი წყენა და მაქსიმალურად მოახდინოს კონცენტრაცია თავის საქმიანობაზე. უელსის სამიტის შედეგად ჩვენ მნიშვნელოვანი პაკეტი მივიღეთ და მისი იმპლემენტაციის პროცესში ირაკლი ალასანიას დიდი როლი აკისრია", - განაცხადა სესიაშვილმა.