კოალიციური ძალები ისლამისტებს ანადგურებენ. მოკავშირეების ავიაციამ ჯიჰადისტთა პოზიციები სირიასა და ერაყში დაბომბა. ამერიკულმა ავიაგამანადგურებლებმა სირიაში 5, ერაყში კი 9 წერტილოვანი დარტყმა განახორციელეს. შედეგად, კობანში, დეირ აზ-ზაურში, ფალუჯაში, რუტბასა და ბაიჯიში დიდი რაოდენობით სამხედრო ტექნიკა და ცოცხალი ძალა განადგურდა. შეერთებულმა შტატებმა ისლამისტთა წინააღმდეგ საჰაერო ოპერაცია ერთი თვის წინ დაიწყო. მოგვიანებით ოპერაციაში ბრიტანეთი და კანადა ჩაერთო.