კოალიცია ,,ქართული ოცნების" წევრი დავით ზურაბიშვილის განცხადებით, იმ შემთხვევაში თუ თავდაცვის უწყების დაკავებულ თანამშრომლების საქმეზე პროკურატურა სათანადო მტკიცებულებებს ვერ წარმოადგენს მაშინ საგამოძიებო უწყების შესაბამისი წარმომადგენლების პასუხისმგებლობის საკითხი უნდა დადგეს.
,, პირველ რიგში ეს საქმე, მაქსიმალურად და გამჭვირვალედ უნდა იქნეს გამოძიებული. ბრალის დამტკიცებისთვის, ძალიან სერიოზული მტკიცებულებებია საჭირო. თუ ეს მტკიცებულებები პროკურატურა ვერ დაგვანახა, ვივარაუდებთ, რომ სრულიად სხვა ამბავია და პროკურატურის შესაბამისი წარმომადგენლების პასუხისმგებლობის საკითხი უნდა დადგეს", -განაცხადა ზურაბიშვილმა ,,პრაიმ ტაიმის პრესკლუბში.
შეგახსენებთ, რომ თავდაცვის სამინისტროს ხუთ მაღალჩინოსანს გამოძიება სატენდერო პირობების დარღვევით სახელმწიფო ბიუჯეტის კუთვნილი თანხის გაფლანგვას ედავება. საუბარია, დაახლოებით, ოთხ მილიონ ლარზე.
არც ერთი ბრალდებული დანაშაულს არ აღიარებს.
საქმეს გრიფით საიდუმლო ადევს. მასალები დაცვის მხარეს ამ დრომდე არ გადასცემია.
