მოსკოვში მოღვაწე ქართველი მწერალი ბორის აკუნინი (გრიგორი ჩხარტიშვილი) რუსეთის უკანაკნელი იმპერატორის კორონიზაციის დღეს (1894 წლის 1 ნოემბერს) „სევდიან იუბილეს" უწოდებს.
ვრცელი სტატია მწერალმა რადიოსადგურ „ეხო მასკვის" საიტზე გამოაქვეყნა.
„ზუსტად 120 წლის წინ რუსეთის მმართველი გახდა ადამიანი, რომელმაც ქვეყანა შავ ხვრელში შეიყვანა. ის იყო დაკომპლექსებული, სუსტი ნებისყოფის, ჯიუტი ადამიანი, თუმცა გარკვეული კეთილშობილური თვისებებით, წესიერებით, შრომისმოყვარეობითა და დელოკატურობითაც გამოირჩეოდა, რაც რომანოვების დინასტიის დამახასიათებელი ნიშანი ნამდვილად არ არის. მიუხედავად ამისა, სწორედ მას მიუძღვის ბრალი სამოქალაქო ომებსა და იმ მილიონობით ადამიანის სიკვდილში, რომელიც მისი ხელისუფლების დამხობის შემდეგ მასობრივ პოლიტიკურ რეპრესიებს ემსხვერპლა,"-წერს აკუნინი.
