ეროსი კიწმარიშვილის გარდაცვალების საქმეზე გამოძიების მასალების გაცნობას, გარდაცვლილის ოჯახის ადვოკატები სავარაუდოდ დღეს დაასრულებენ.
როგორც ჟურნალისტებს კიწმარიშვილის ოჯახის ადვოკატმა, მერაბ ჩიქოვანმა განუცხადა, 7-ტომიანი საქმიდან ოჯახი უკვე 4 ტომს გაეცნო. მისივე თქმით, სავარაუდოდ, მასალების სრულად გაცნობის შემდეგ გაეცემა პასუხი მთავარ კითხვას - ეს იყო მკვლელობას, თუ თვითმკვლელობა?
"იმედს ვიტოვებთ, რომ ძალიან მალე დასრულდება მასალების გაცნობა, რის შემდეგაც, ჩვენ გავაკეთებთ შესამის ანალიზს, რაც ცნობილი იქნება როგორც პროკურატურისთვის, ისე საზოგადოებისთვის", - განაცხადა ჩიქოვანმა.
შეგახსენებთ, 15 ივლისს რუსთავის მერობის ყოფილი კანდიდატი ეროსი კიწმარიშვილი მისსავე ავტოფარეხში, გარდაცვლილი იპოვნეს. კიწმარიშვილის საქმესთან დაკავშირებით გამოძიება სსკ 115-ე მუხლით მიმდინარეობს, რაც თვითმკვლელობამდე მიყვანას გულისხმობს. გამოძიებისგან განსხვავებული ვერსია აქვს კიწმარიშვილის ოჯახს.
