ჩვენ მივიღებთ არა კარგ კანონს, დაუმუშავებენ კანონს მხოლოდ იმიტომ, რომ საკანონმდებლო ვაკუუმი არ გავაჩინოთ სამართალდამცავი ორგანოების საქმიანობის რეგულირებაში, - ამის შესახებ, პარლამენტის იურიდიულ საკითხთა კომიტეტის თავმჯდომარის მოადგილე შალვა შავგულემ იურიდიული კომიტეტის სხდომაზე განაცხადა.
"ამ დროში ჩვენ კარგ კანონს ვერ მივიღებთ, მაგრამ ვეტო რომც დაიძლიოს, შემდგომ ახალი კანონის ინიცირებას, მასზე დადებული ვეტოს დაძლევას უფრო მეტი დრო დასჭირდება. თამაშ-თამაშით დიდხანს გაგრძელდება ამ სფეროს რეგულირების ვაკუუმი, რაც სერიოზულ საფრთხე შეუქმნის სამართალდამცავი ორგანოების საქმიანობას და ჩვენ გვაქვს პასუხისმგებლობა მართლწესრიგზე. ამიტომ იძულებული ვარ, ვთქვა, რომ მეც მხარს ვუჭერ პრეზიდენტის წინადადების მიღებას. ჩვენ მივიღებთ არა კარგ კანონს, არამედ კომპრომისულ, საკმაოდ დაუმუშავებენ კანონს მხოლოდ იმ მიზნით, რომ საკანონმდებლო ვაკუუმი არ გავაჩინოთ სამართალდამცავი ორგანოების საქმიანობის რეგულირებაში. წინასწარ ვაცხადებ, შემდგომში ჩვენ მოგვიწევს მრავალი ცვლილების შეტანა, რომ 1-ელ დეკემბრამდე მიღებული ცუდი კანონი რაღაც კონდიციამდე გამოვასწოროთ",- განაცხადა შავგულიძემ.
შეგახსენებთ, ფარული მოსმენის შესახებ კანონპროექტის განხილვის 1-ელ აპრილამდე გადადების წინადადებით პარლამენტს, პარლამენტის იურიდიულ საკითხთა კომიტეტის თავმჯდომარის მოადგილე შალვა შავგულემ მიმართა.
პარლამენტის მიერ დამტკიცებულ ინიციატივას, პრეზიდენტმა ვეტო დადო და პარლამენტს შენიშვნები გაუგზავნა.
"ელექტრონული კომუნიკაციების სფეროში ინფორმაციის საიდუმლოების დაცვისათვის დადგენილი რეგულაციების სრულფასოვანი ამოქმედებისათვის წესის შესამუშავებლად მიზანშეწონილად მიგვაჩნია განისაზღვროს გონივრული ვადა - არა უგვიანეს 2014 წლის 1 დეკემბრისა. ამასთან, ახალი რეგულაციების მიღების ვადის 2014 წლის 1 დეკემბრამდე განსაზღვრის შემთხვევაში, მათი ამოქმედებაც ასევე უნდა განხორციელდეს გონივრულ ვადებში." - ნათქვამია პრეზიდენტის დადგენილებაში.
