ექსპერტი უსაფრთხოების საკითხებში ხათუნა ლაგაზიძე ,,ჯი-ეიჩ-ენთან'" საუბარში აცხადებს, რომ პრეზიდენტ გიორგი მარგველაშვილის გადაწყვეტილების მიუხედავად დღევანდელ დღეს დამარცხებული არ ჰყავს, პირიქით გამარჯვებულია ყველა_პრეზიდენტი და ხელისუფლების ყველა შტო.
,,დღევანდელ დღეს დამარცხებული არ ჰყავს, გამარჯვებულია ყველა_პრეზიდენტი და ხელისუფლების ყველა შტო იმ გაგებით, რომ პრეზიდენტმა კანონს ვეტო დაადო და სწორედ ამ მთავრობის, პარლამენტის პირობებში შესაძლებელი გახდა ვეტოს შემორება და განხორციელება. Eეს არის სწორედ 2012 წლის ცვლილებების მთავარი მონაპოვარი. Aამიტომ ის აზრთა სხვადასხვაობა რომელიც სახელისუფლებო შტოებს შორის არსებობს არის ხელისუფლების მთავარი პლუსი. დღეს გაბრაზებულები კი არ უნდა იყვნენ პრეზიდენტის ვეტოთი, არამედ ეს ხაზს უსვამს ხელისუფლების ყველა შტოს ძლიერებას, რადგან ყველამ ერთად შექმნა დღევანდელი რეალობა, რაც უმთავრესია. Yყველაფერ სხვა ეკონომიკური, სოციალური პრობლემები რომლებიც ქვეყანას მრავლად აქვს ზედნაშენია ამ ძირითად დემოკრატიულ ფასეულობასთან შედარებით", _განაცხადა ლაგაზიძემ.
,,ჯი-ეიჩ-ენის" კითხვაზე პრეზიდენტის ვეტოს შემდეგ ხომ არ უნდა ველოდოთ ურთიერთობის დაძაბვას მარგველაშვილსა და ღარიბაშვილს შორის ლაგაზიძე პასუხობს:
,, ახლა ნაკლებად მნიშვნელოვანი მგონია დაიძაბება თუ არ პრეზიდენტსა და პრემიერს შორის ურთიერთობები, რადგან სწორედ ამგვარი ურთიერთობები ქმნიან დღევანდელი საქართველოს სახეს, რომელიც არის ყველაზე დემოკრატიული წინა ხელისუფლებასთან შედარებით. სწორედ ხედვების სხვადასხვაობამ და იმის შესაძლებლობამ რომ ერთ სახელმწიფოში განსხვავებულმა აზრებმა, შეხედულებებმა იარსებონ შექმნა დღევანდელი რეალობა, რაც ყველაზე მეტად მისასალმებელია", _განაცხადა ხათუნა ლაგაზიძემ.
პრეზიდენტმა გიორგი მარგველაშვილმა ,,ელექტრონული კომუნიკაციის შესახებ" კანონს ვეტო დაადო. შესაბამისად 1-ელი ნოემბრიდან შსს-ს ოპერატიულ-ტექნიკურ დეპარტამენტს ფარული მოსმენა-მიყურადების და ასევე კომუნიკაციის მაიდენტიფიცირებელი ინფორმაციის შენახვის უფლება აღარ ექნება.