ადვოკატთა ასოციაციის თავმჯდომარე ზაზა ხატიაშვილმა მიიჩნევს, რომ თავდაცვის სამინისტროს დაკავებული მაღალჩინოსნების მიმართ, დანაშაულის აღიარების მიზნით, პროკურატურა წეზოლას განახორციელებს.
"სისხლის სამართლის საპროცესო კოდექსის 83 მუხლის მესამე ნაწილი პირდაპირ გვეუბნება, რომ ინფორმაციის გაცვლის მოთხოვნის შემდეგ, არსებული მასალების ადვოკატებითვის გადაუცემლობა იწვევს ამ მასალიას დაუშვებელ მტკიცებულებებად ცნობას. დღეს არის საშიშროება და პროკურატურამ იცის, რომ რა მტკიცებულებების მან მოაგროვა, დაუშვებელად არის ცნობილი. სწორედ ამიტომ, ვქირობ რომ ბრალდებულებზე დაიწყება საშინელი ზეწოლა, რომ მათ არარსებული დანაშაული აღიაონ, რომ ის ლაფსუსი, რაც პროკურატურამ ჩაიდინა, არ გამჟღავნდეს", - აცხადებს ხატიაშვილი.
მისი თქმით, მხარეთა თანასწორობის პრინციპი, რაც ევროპული კონვენციით და საქართველოს სისხლის სამართლის საპროცესო კოდექსით გარანტირებულია, კონკრეტულ საქმეში დარღვეულია.
"ადვოკატებს პროკურატურამ უარი უთხრა საქმეში არსებულ მტკიცებულებათა ასლების გადაცემაზე, მიუხედავად იმისა, რომ დაცვის მხარეს ჰქონდა აღებული წერილობით ვალდებულება, რომ მათი მხრიდან საქმის მასალების გასაჯაროება არ მოხდებოდა.
პროკურატურის მხრიდან, დაღვეულია საქართველოს კონსტიტუციის 42-ე , 85-ე მუხლის მესამე პუნქტი, ადამიანის უფლებათა დაცვის კონვენციის მე-6 მუხლი და სისხლის სამართლის საპროცესო კოდექსის 83 მუხლი - მხარეთა თანასწორობისა და შეჯიბრებითობის პრინციპი.საქართველოს ადვოკატთა ასოციაციის თავმჯდომარე ვაცხადებ , რომ სისხლის სამართლის საპროცესო კოდექსში არ არსებობს ნორმა რომელიც უფლებას მისცემდა პროკურატურას, დაცვის მხრისათვის არ გადაეცა მის ხელთ არსებული მტკიცებულები. საქართველოს არც ერთ დიქტატორს არ გაუკეთებია ამგვარი სიბინძურე", - აცახდებს ადვოკატთა ასოციაციის თავმჯდომარე.
შეგახსენებთ, საქალაქო სასამართლოს გადაწყვეტილებით, თავდაცვის სამინისტროს 5 თანამშრომელს აღკვეთის ღონისძიებად, 2 თვიანი წინასწარი პატიმრობა შეეფარდა. დაკავებულებს, გამოძიება სახელმწიფო ბიუჯეტის კუთვნილი 4 102 872 ლარის გაფლანგვის ედავება.