კოალიცია ,,ქართული ოცნების" წევრი ლევან ბერძენიშვილი ,,ჯი-ეიჩ-ენთან" საუბარში აცხადებს, რომ იმ შემთხვევაში თუ საკანონმდებლო ორგანო პრეზიდენტის ვეტოს დაძლევას შეეცდება, აღნიშნულ პროცედურად მხარს არ დაუჭერს.
,,პრეზიდენტმა კანონს ხელი არ მოაწერა და ახლა ტექნიკური საკითხია პარლამენტი შეეცდება, ან არ შეეცდება დაძლიოს პრეზიდენტის ვეტო. საინტერესო ვითარებაა პარლამენტი იმისთვისაა რომ ზოგი კანონი მიიღოს ზოგი არაა და პრეზიდენტიც იმისთვის არსებობს, რომ ყველაფერს ხელი არ მოაწეროს და ხანდახან ვეტოს უფლებით ისარგებლოს. პირადად მე თუ მეკითხებით მხარს არ დავუჭერ ", _განაცხადა ბერძენიშვილმა.
პრეზიდენტმა გიორგი მარგველაშვილმა ,,ელექტრონული კომუნიკაციის შესახებ" კანონს ვეტო დაადო. შესაბამისად შსს-ს ოპერატიულ-ტექნიკურ დეპარტამენტს ფარული მოსმენა-მიყურადების და ასევე კომუნიკაციის მაიდენტიფიცირებელი ინფორმაციის შენახვის უფლება აღარ ექნება.