პარლამენტის იურიდიულ საკიხთა კომიტეტის თავმჯდომარე ვახტანგ ხმალაძე აცხადებს, რომ ფარულ მოსმენებთან დაკავშირებით, ე.წ. ორი გასაღების იდეა მისთვის მისაღებია იმ შემთხვევაში, თუ გასაღების ფლობის პასუხისმგებლობა შესაბამის სტრუქტურებს შორის გადანაწილდება.
"ერთი გასაღები უნდა იყოს იმ მოსამაღთლის ხელში ვინც იღებს გადაწყვეტილებას ფარული მოსმენის კანონიერებისა და შესაძლებლობის შესახებ, ხოლო მეორე გასაღები უნდა იყოს სახელმწიფო უწყების და არა უშუალოდ ინტერნეტ პროვაიდერის ხელში",- აცხადებს ხმალაძე.
მისივე თქმით, საკითხის განხილვა პარლამენტში უნდა გადავადდეს არამხოლოდ იმიტომ, რომ კანონმდებლებს მეტი დრო ჰქონდეს, არამედ, მნიშვნელოვანია პერსონალური მონაცემების შესახებ, ევროკავშირის პოზიციის გაზიარებაც.
"დეკემბრის დასაწყისში ევროკავშირსა და ევროსაბჭოს ორგანიზებით პერსონალური მონაცემების დაცვასთან დაკავშირებით ტარდება დიდი კონფერენცია, სადაც კონფერენციის შედეგებზე დაყრდნობით, წლის ბოლომდე ევროკავშირი უნდა ჩამოყალიბდეს თუ როგორი უნდა იყო პოლიტიკა პერსონალურ მონაცემთა დაცვასთან დაკავშირებით", - აღნიშნა ხმალაძემ.