საგარეო საქმეთა მინისტრის მაია ფანჯიკიძის განცხადებით, თავდაცვის უწყების მოქმედი თანამშრომლების დაკავების მიუხედავად, თავდაცვის მინისტრი ირაკლი ალასანია არ უნდა გადადგეს, რადგან წარმატებული მინისტრია.
,,,ირაკლი ალასანია არც ერთ შემთხვევაში არ გადადგება, იგი არ უნდა გადადგეს, რადგან არის ძალიან წარმატებული მინისტრი და ამას მოწმობს ის ფაქტიც, რომ გუშინ ნატოს გენერალურმა მდივანმა სწორედ თავდაცვის სფეროში განხორციელებულ რეფორმებს მისცა ძალიან მაღალი შეფასება", _განაცხადა ფანჯიკიძემ მთავრობის სხდომის დაწყებამდე საკითხის შეფასებისას.
შეგახსენებთ, რომ მთავარმა პროკურატურამ თავდაცვის სამინისტროს მაღალჩინოსნები ორი დღის წინ დააკავა. უწყების ინფორმაციით, მოქმედ თანამდებობის პირებს ბრალად სახელმწიფო ბიუჯეტის კუთვნილი 4 102 872 ლარის გაფლანგვა ედებათ.
მასალის გამოყენების პირობები
