პრემიერმა ირაკლი ღარიბაშვილმა სოფელ დუისში საზოგადოებრივი ცენტრის გახსნაზე სიტყვით გამოსვლისას ადგილობრივებს მთავრობის ორწლიანი მუშაობის შესახებ ინფორმაცია მიაწოდა. როგორც ღარიბაშვილმა განაცხადა ბოლო ორი წლის განმავლობაში გაშენდა 4 ათასი ჰექტარი ვენახი, რადგან გლეხს სტიმული მიეცა, მაშინ, როდესაც სააკაშვილი გლეხებს საკუთარი ხელით აჩეხინებდა ვენახს.
,,რა თქმა უნდა, ჩვენს ოპონენტებს არ ინტერესებთ, ის რაც ხდება ხალხისთვის, მაგრამ ეს თითოეულ ოჯახზე აისახება. ხელისუფლებას არ აქვს ილუზია, რომ ყველა პრობლემა ერთ დღეში მოგვარდება, მაგრამ იდგმება თანმიმდევრული ნაბიჯები ჯანდაცვის, განათლების, სოფლის მეურნეობის განვითარების მიმართულებით, 2009-2011 წლებში სულ 88 ათასი ტონა ყურძენი დაიკრიფა კახეთის რეგიონში, რომლის ფასი 50-90 თეთრამდე მერყეობდა, ახალი ხელისუფლების პირობებში კი 200 ათასი ტონა ყურძნის რეალიზაცია განხორციელდა და გლეხებმა 270 მილიონი ლარის ოდენობის შემოსავალი მიიღეს.ბოლო ორი წლის განმავლობაში გაშენდა 4 000 ჰექტარი ვენახი, რადგან გლეხს სტიმული მიეცა, მაშინ, როდესაც სააკაშვილი გლეხებს საკუთარი ხელით აჩეხინებდა ვენახს, რაც შაჰ აბასს და ყველაზე სასტიკ დამპყრობლებს არ გაუკეთებიათ", - განაცხადა ღარიბაშვილმა.
