ექსპერტი უსაფრთხოების საკითხებში ხათუნა ლაგაზიძე პრემიერ-მინისტრის გამოსვლას მთავრობის ორწლიანი მუშაობის შეფასებისას პოზიტურად აფასებს. როგორც საკითხის კომენტირებისას ლაგაზიძე განმარტავს მისთვის მნიშვნელოვანია პრემიერის გამოსვლის ის ნაწილი სადაც აღნიშნა, რომ განსხვავებული შეფასების გამო არავინ დაისჯება.
,,პრემიერის გამოსვლა ორიენტირებული იყო პოზიტივზე და არა ნეგატივზე. ხელისუფლებას ძალიან უჭირდა საზოგადოებისთვის პოზიტივის შეთავაზება და ეს გამოსვლა სწორედ ამ კუთხით იყო გამორჩეული. განსაკუთრებით მინდა აღვნიშნო პრემიერის გამოსვლის ბოლო ნაწილი სადაც საუბარი იყო იმაზე რომ ხელისუფლება განსხვავებული შეხედულების გამო არ დასჯის, არ დააშანტაჟებს, არ დააშინებს ადამიანებს, ბიზნესს, არ ადსჯის ჟურნალისტებს კრიტიკული სიუჟეტების გამო. ეს იყო ძალიან მნიშვნელოვანი გზავნილები", _განაცხადა ლაგაზიძემ.