ექს-პრეზიდენტი მიხეილ სააკაშვილი New York Times-ში პარლამენტის თავმჯდომარის დავით უსუფაშვილის სტატიას „რუსთავი2"-ის ეთერში გამოეხმაურა.
სააკაშვილის განცხადებით, სამარცხვინოა ის , რომ მთელი სტატია მის ლანძღვას იყო დათმობილი.
"New York Times-ში მთელი გვერდის ყიდვა ღირს ნახევარი მილიონი. ბევრჯერ შემოუთავაზებით ჩვენთვის მისი ყიდვა, მაგრამ ჩვენ ამაზე ყოველთვის უარს ვამბობდით. ერთადერთი შემთხვევა იყო, როდესაც ჩვენ დავარეკლამეთ საქართველო. ეს იყო ის შემთხვევა, როდესაც ვთქვით, რომ საქართველოს ეკონომიკური მაჩვენებელი არის კარგი, იქ ინვესტიცია შესაძლებელია და კორუფცია ეცემა. დღეს იქ გამოქვეყნებული სტატია იყო ჩემი ლანძღვა, ეს არის პრვონციალიზმი და უმეცრება. შიდა ამბავი, რომ გამოგაქვს გარეთ ეს სიველურეა მეტი არაფერი. ამათ ნაცვლად მრცხვენია, როგორ გააბანძეს ჩვენი ქვეყანა", - აცხადებს სააკაშვილი.