საპატიო თბილისელის ჯილდო ჩემთვის დიდი პატივია, რასაც მთელი ცხოვრება გავუფრთხილდები, ამის შესახებ, შეერთებული შტატების ელჩმა საქართველოში რიჩარდ ნორლანდმა საპატიო ჯილდოს გადაცემის შემდეგ განაცხადა.
ნორლანდმა თბილისობის დღესასწაული სრულიად საქართველოს მიულოცა.
თბილისის მერმა დავით ნარმანიამ, საპატიო თბილისელის ჯილდო დღეს, საკრებულოს განახლებულ შენობაში 10 ადამიანს მიანიჭა, მათ შორის არიან: მეტროსადგურების პროექტების ავტორი - ლამარა აბაშმაძე, ლოტბარი - ანზორ ერქომაიშვილი, კომპოზიტორი გურამ ბზვანელი, მსახიობი - კახი კავსაძე, ფილოსოფოსი , მტარგმნელი და მწერალი - ბაჩანა ბრეგვაძე, ოფთოლმოლოგი, მედიცინის მეცნიერებათა დოქტორი - ივა ბერაძე, ანსამბლ "ქართული ხმების" წევრი - გია ჭირაქაძე, მეცნიერი, დავით ბააზოვის საქართველოს ებრაელთა ისტორიის მუზეუმის დირექტორი - გივი ღამბაშიძე, ასევე აშშ-ს ელჩი საქართველოში - რიჩარდ ნორლანდი და ისრაელის ელჩი საქართველოში - იუვალ ფუქსი.